br0ken rlz

السلام عليكم ورحمه الله وبركاته ,, قبل أسبوع حصلت لي مشكلة مع شركة الاتصالات السعودية STC , سوف أوضح لكم القصة كاملة الصراحة القصة مضحكة وحبيت اكتبها ليستفيد الكثيرين وطريقة التعامل مع هذي الشركة الي اتعبتنا كثيرر الله يرزقنا بشركات هاتف جديدة تنزل يارب ونتحرر من قيود هذي الشركة ,,, القصة حبيت اشيك على الفاتورة ويوم شبكت الهاتف طلع مافيه حرارة والـ DSL شغال ميه ميه دقيت على 904 لفتح بلاغ للمشكلة وسجلت البلاغ وكالعادة خلال 24 ساعة يكلمونك كان يوم خميس , يوم الصباح السبت كلمني شخص سوداني من اﻻتصاﻻت وقالي وصف لي البيت وصفت له البيت وقلت إذا ضيعت كلمني بس قال وﻻ يهمك ويوم رجعت من الدوام العصر جيت وشغلت الراوتر حصلت إشارة DSL off قلت ياليل ماطولك كلمت 904 حبيت استفسار عن المشكلة بلاغي عن حرارة مو مشكلة dsl المهم كلمني الموظف وقالت له ايش السالفة أنا مبلغ عن مشكلة حرارة مو dsl قالي خلاص سجلت حدثت البلاغ وضفت له مشكلة dsl المهم مر يوم السبت بدون انترنت قلت مو مشكلة يوم نصبر , كلمتهم يوم اﻻحد الصباح والصراحة رفع ضغطي الموظف قلت له انا مبلغ عن مشكلة حرارة تفصلون عني dsl ليش ؟ صارت بدل مشكلة صارت مشكلتين قالي إن شاء الله راح تنحل مشكلة موظفين 904 ماعندهم اي علم ايش جالس يصير وايش اخر update على ticket قلت حولني على المشرف حولني المشرف معاه خط جلست انتظر رجع كلمني الموظف وقال المشرف معه خط كلم مرة ثانية قلت ﻻ أنا أبغى انتظر قالي هذا يعطلنا قلت ياحبيبي أنا الي متعطل مو أنتم قالي والله ماراح يفيدك قلت ايش ؟ وشلون ماراح يفيدني أجل إذا أنتم 904 المختصين بأعطال الهاتف و dsl مافتوني من يفيدني ؟ انحرج وماقدر يجاوبني انتظرت طول مارد المشرف سكرت رجعت من الدوام معصب واصله معي الصراحة من تعاملهم الزفت كلمتهم العصر مرة ثانية وقلت عطني المشرف وكلمت المشرف وكان متعاون وقالي اﻻن برسل لمدير الصيانة بالرياض وكنت معصب عليه شوي وكتب ان العميل منزعج وغير راضي عن الخدمة قال وﻻ يهمك بكره تنحل قلت إن شاء الله وجلست اليوم الثاني بدون انترنت قلت نصبر , انتظرت يوم اﻻثنين الصباح الساعة 9 , 10 ماأحد دق قلت ياولد دق عليهم بس كلمتهم وكلمت مشرف ﻻن الصراحة الموظفين مافيدونك ووعدني المشرف ان المشكلة راح تنحل قريب المهم جلست على هذا الحال إلى يوم اﻷربعاء كل يوم صباح وعصر وفي الليل اكلم 904 وكل ماأكلمهم اعصب عليهم أقسم بالله انهم يقدرون يحلونها في يوم ولو قلنا يومين أما اسبوع يماطلوني تقول يمنون علي كاني ماأخذ الخدمة منهم بلاش الله ﻻ يوفقهم , يوم الأربعاء جيت من الدوام تعبان نمت صحيت على صلاة العشاء كلمتهم قلت حولني على المشرف حولني وكلمني المشرف ورفعت صوتي عليه قلت ايش فيكم ايش الفني الي مرسلينه لي عيونه حوله ؟ هوه مبلغ عن مشكلة حرارة تفصلون عني dsl وتلطعوني اسبوع كامل قلت له طيب فيه حل يريحني ويريحكم مادام ماتعرفون تحلون المشكلة رجعوا لي الاشارة بس وخلوا الحرارة مفصولة ماابغاها أصلا أن استخدمه dsl بس قليل أكلم فيه ولو داري أنكم بتسون كذا كان مابلغت عن المشكلة خدمة زي أوجيهكم مافادني الصراحة وعرفت ان حتى المشرف ماعنده سالفة قلت الخمس المشرفين الي قبلك مو أحسن منك كلهم مافادوني وأنت شكلك ماراح تفيدني إذا فيه واحد اعلى منك حولني عليه الله ﻻ يهينك أنا ماتوقعت أن فيه أحد قلت المشرف ذا هوه top مافيه بعده أحد قالي انتظر وحولني على واحد قلت مين معي قال معاك المدير المناوب شرحت له المشكلة من A -Z وماقصر الرجال يوم الخميس الصباح جاء الفني يدربي راسه أنا كنت نايم بس قالي أخوي المهم اشتغل dsl تمام الظهر بس الحرارة مااشتغلت قلت مو مشكلة أهم شي dsl والله ماصدقت واشتغلت عليه ويوم جت الساعة 2 فصل ياحووول وش النشبه ذولي و كنت عاد مكلم واحد من خوياي قبلها بيوم اكلمه عن السالفة وقالي يا متعب اعرف لك واحد شغال في اﻻتصاﻻت في المقاسم قلت تكفى كلمه اذا فيه يده شي ﻻ يقصر الله يجزاه خير قالي ارسل لي المعلومات ورقم ticket ويوم الخميس الظهر بعد ماطفى dsl كلمني خوياي وقالي الرجال يقول ساعتين ويشتغل قلت الله يجزاك خير وفعلا يوم العصر اشتغل الهاتف وdsl والحمد لله شغال حتى هذي الساعة DSL status : 1 week , 16 Hours , 18  Minutes هذي حالة dsl طبعاً شغال بمعنى اﻻشارة شغالة ومو الراوتر , وتوبة ماعاد نبلغ عن مشكلة عندهم إﻻ في حالة انقطاع إشارة dsl ﻻنهم يومهم بسنة الله يفكنا منهم ,هذي كامل story لذلك وجب التنبيه ,,, أخوكم متعب

السلام عليكم ورحمه الله وبركاته ,, حبيت أذكر تجربتي مع VOIP ﻷجهزة سيسكو يونفيد ايي بي فون ثلاث منتجات منها وهي 7961 / 7970G / 7936 بما أنها التجربة اﻷولى لي ولن تكون اﻷخيرة بإذن لله ,, الاعدادات الي عملتها كانت بسيطة جداً وهي عمل تغير للاعدادات اﻻفتراضية التي يعطيكيه ,الجهاز أول ماتقوم بربطه على الشبكة من رقم التحويله واسم الشخص وأيضاً عمل له VoiceMail وكانت ممتعة بما أنها أول مرة وشي جديد علي ,,,طبعاً المتحكم الرئيسي يسمى CallManager وهي ثلاث سيرفرات جميعها windows 2000 servers ,, اﻷول يسمى Publisher والثاني Subscribe والثالث Unity

Cisco Unified IP Phone 7961G

عدد 11 جهاز عملنا إعداداتها وتم تغير التحويلة EXT واسم الشخص وإنشاء له VoiceMail , بريد صوتي هذا النوع للموظفين فقط

Cisco Unified IP Phone 7970G

عدد 5 أجهزة عملنا إعداداتها وتم تغير التحويلة EXT واسم الشخص وإنشاء له VoiceMail بريد صوتي ملاحظة هذا النوع شاشته ملونة للمدراء VIP فقط :d

Cisco Unified IP Conference Station 7936

عدد 2 جهاز عملنا إعداداتها وتم تغير التحويلة EXT واسم الغرفة وإنشاء له VoiceMail بريد صوتي ملاحظة هذا النوع لغرفة اﻻجتماعات Meeting Room فقط , لمن أراد معرفة ماهو VOIP

http://www.tech-faq.com/lang/ar/what-is-voip.shtml

لمن أراد اﻻطلاع على اﻻعدادات

http://www.cisco.com/en/US/products/sw/voicesw/ps556/products_administration_guide_chapter09186a00801ecfc7.html

أخوكم متعب