Upgrade DSL Speed to 1Mb
قمت برفع سرعة اتصالي XDSL من 256 إلى 1 ميجا الصراحة فرق كبير في السرعة اليوتيوب عندي مايقطع فله
صار لي موقف مع STC 907 أقسم بالله ياناس يألفون من رؤوسهم مدري ايش قصتهم السالفة كلمتهم :
متعب: السلام عليكم ورحمه الله وبركاته موظف 907: وعليكم السلام ورحمه الله وبركاته اتفضل
متعب: ابغى ارفع السرعة إلى 1 ميجا
موظف 907: ممكن رقم الهاتف
متعب: ابشر الرقم ******
موظف 907: انتظر شوي عزيزي العميل
متعب: ممكن تتأكد لي بس أن المقسم يدعم لا تنكبوني تقولون يدعم ثم مايطلع يدعم
موظف 907: ابشرك المقسم يدعم
متعب: الحمد لله أنه يدعم
موظف 907: ممكن الرقم السري للهاتف
متعب: لازم ؟؟؟ ليش ياأخوي وش قالوا لك بلغي التيلفون
موظف 907: لازم بدونه ماترفع السرعة ياعزيزي
متعب: طيب ابرجع اكلمك إن شاء الله
كلمت أخوي وأخذت الرقم السري للهاتف لانه الهاتف بأسمه المهم نكمل السالفة طبعاً الأن موظف آخر
متعب: السلام عليكم ورحمه الله وبركاته
موظف 907: وعليكم السلام ورحمه الله وبركاته اتفضل
متعب: ابغى ارفع السرعة إلى 1 ميجا
موظف 907: ممكن رقم الهاتف ,,
متعب: ابشر الرقم ******
موظف 907: انتظر شوي عزيزي العميل
موظف 907: خلاص بعد 24 ساعة سوف يتم تنفيذ طلبك
متعب: ماتحتاج الرقم السري حق الهاتف
موظف 907: لا مايحتاج عزيزي
متعب: يعطيك العافية ماقصرت
عاد أقول في خاطري طيب ليش تطلب الرقم السري مادام مايحتاج يا الموظف الأول ليش تألف وتطلب شي ماله داعي
وبعد 5 ساعات شيكت على الرواتر عندي إلا السرعة ارتفعت إلى 1 ميجا ,, حلوووو تمام
ماأدري إلا الجوال يدق <<< الرقم المدير المباشر 
مايدق إلا فيه شي الله يستر , الساعة 11 مساءاً
متعب فيه مشكلة فضلاً لا أمر تروح تشوفها وتحلها << أبشر طال عمرك بس لا تنسى خارج الدوام 
جت في وقتها اروح للمركز واحل المشكلة << واسوي لي حساب dsl 1mb
رحت وحليت المشكلة الحمد لله وسويت لي حساب ورجعت البيت الساعة 2 وجربت الحساب
وااو السرعة فرق سويت Speed Test وحملت برضوا كم ملف كبير وفعلا توصل السرعة 125 كيلو بايت
الآن بفتك من شراء البطاقات ,, الاشتراك مجاني ادفع فقط للاتصالات
مبروك اخوي متعب على السرعة الجديدة واحسن لك من شراء البطاقات الي كل شوي تقطع واولهم نسما والسبب يقول لك تحميل زائد
h4ck3r#47
سبتمبر 8, 2009 في 5:03 ص
الف الف الف مبروك يامتعب
عقبال ال 10 قيقا
وفعلا شي ممتع انك تتفرج على مقاطع اليوتوب بدون تقطيع << متأمل انه يحس بهالشعور
ومنها للاحسن ان شاء الله
الآن بفتك من شراء البطاقات ,, الاشتراك مجاني ادفع فقط للاتصالات
هذي مافهمتها شلون الاشتراك مجاني ؟
ANTi SHiA
سبتمبر 9, 2009 في 7:47 ص
h4ck3r#47
الله يبارك فيك
اي والله أنك صادق شراء البطاقات مشكلة خاصة لما ينتهي اشتراك في وقت المحلات مغلقة
br0ken
سبتمبر 28, 2009 في 4:01 ص